Anpil nan blese yo al pran swen nan lopital Sainte Therèse nan Miragwàn, Gen lòt ki al pran swen nan lopital Saint Boniface nan Fond des Blancs ak kèk lòt yo transpòte nan lopital Immacule de conception nan vil Okay.
Gen viktim tou, sitou sa ki pi grav yo, yo ale ak yo nan Pòtoprens pou jwenn swen ki nesesè nan. Lopital Medecins Sans Frontières (MSF).
Selon kèk temwen, eksplosyon sa pwodwi apre kèk sitwayen nan zòn “Calbassier” la te al ramase gaz ki tap koule nan yon kamyon sitèn ki te fè aksidann nan lokalite a.
Premye minis Garry Conille ki te konvoke yon reyinyon an ijans avèk staff li pou rive konprann sa k pase a epi pote èd ak viktim yo, te vwayaje Fond des blancs pou vizite viktim yo nan lopital Saint Bonifas e asiste ak evakiyasyon blese grav yo nan lòt vil.
Premye minis lan ekri sou platfòm X “Se ak anpil emosyon mwen vizite lopital Sen Bonifas nan Fondèblan, pou ede evakye plizyè konpatriyòt ki boule nan eksplozyon kamyon gaz nan Miragwàn”.
Doktè Garry Conille profite salye pwofesyonalis pèsonal medikal yo nan pote swen ak moun ki boule yo.
Nap souliye eksplosyon kamyon gaz la boule tou kèk motosiklèt ak machin ki te tou pre a.