Etazini ap komemore viktim atak teworis 11 Septanm yo a lokazyon 23em anivese atak la.
Prezidan Joe Biden, ansyen Prezidan Donald Trump ak Vis Prezidan Kamala Harris te kanpe ansanm Mekredi nan "ground zero" ki se lye kote atak la te dewoule.
11 Septanm - se dat kote teworis yo te pran avyon Ameriken d aso epi touye preske 3,000 moun an 2001. Anivese a tonbe nan moman sezon elektoral la chofe anpil e lap dewoule nan yon moman kle ane sa a. Li vini kek he d tan selman apre Harris ak Trump, kandida prezidansyel Demokrat ak Repibliken yo te fe deba pou premye fwa.
Taylor Swift, youn nan pi gwo vedèt nan endistri mizikal la andose Kamala Harris pou prezidans Etazini yon ti tan apre deba a te pran fen Madi swa.
Swift pibliye yon mesaj sou Instagram kote l di: "Mwen kwè li gen yon men fèm e li se yon lidè ki chaje talan e mwen kwè nou ka akonpli yon pakèt bagay nan peyi sa a si yon moun ki kalm ap dirije nou pa yon moun ki kreye dezod."
Li kole sou mesaj la yon foto de limenm kap kenbe yon chat epi li siyen mesaj la "Dam ki Pa Gen Pitit Men ki Gen yon Chat". Fraz sa a fè referans ak komantè kandida vis prezidansyèl JD Vance te fè pou di. Misye se kolistye Trump.
Swift gen yon dig dal fanatik ki se jèn fi, ki se yon demokrafik kle pou eleksyon Novanm nan.