Apple pare pou devwale jodia, nouvo iPhone li. Dapre nouvèl yo nouvo telefon entelijan an iPhone 16, pral gen entelijans atifisyèl ki pral amelyore fonksyonalite Siri epi pèmèt moun kreye emoji rapidman.
Anpil moun ap tann nouvo iPhone lan, ke yo pral gen opotinite wè pandan evenman Apple planifye pou apremidi a nan baz li, Cupertino, nan eta Kalifoni. Evenman an ap dewoule nan oditwa Apple la ki pote non ko-fondatè konpayi a, Steve Jobs.
Misye te prezante premye iPhone nan an 2007 - yon telefon entelijan ki te chanje sosyete a.
Dapre nouvèl yo, lojisyèl AI Apple la pral fonksyone depi telefon entelijan an, olye li entèraji ak telefon yo depi sant done ki sitye yon lot kote.
Distenksyon sa a mande yon pwosesè espesyal, e sa lakoz ekspè yo kwè anpil moun ap vle achte nouvo iPhone 16 la.