KINGSTON, Jamaica (AP) — Siklòn Beryl ap pran direksyon Jamayik pandan moun nan zile yo ap goumen pou fè preparasyon apre tanpèt sa ki nan Kategori 4 te touye omwen 6 moun epi fè anpil dega nan sidès Karayib la.
Moun Kingston nan peyi Jamayik mete plywood sou fenèt yo epi pechè yo rale bato yo pou wete yo nan dlo.
Travayè demoute tablo piblisite bò wout yo pou van pa rache yo.
Dapre meteyo, siklòn sa ki pran wout Karayib la ap pase nan plizyè zile tankou Jamayik, Grand Cayman, Little Cayman ak Cayman Brac.
Yo prevwa Beryl pwal pèdi fòs li yon ti kras pandan 2 jou kap vini yo, men li ap toujou nan kategori gwo siklòn lè li ap pase Jamayik Mèkredi.