Stormy Daniels, ki konn jwe epi tou reyalize fim porno te temwanye pandan 5 èdtan madi a, kote li te lage yon pakèt bagay san filtè nan tribunal la, nan bay deskripsyon sou rankont li ak swadizan relasyon seksyèl li an 2006 ak aktyèl kandida Repibliken an.
Donald Trump, ki te deja marye nan moman sa a ak madanm li Melania, demanti ke li ta gen okenn relasyon seksyèl ak Daniels.
Trump se premye ansyen prezidan Etazini ki nan tribinal pou yon pwosè kriminèl. Li anba akizasyon ke li ta fè magouy peye aktris pòno a 130 000 dola pou li fè silans sou koze sila nan moman li te nan fen kanpay prezidansyèl li an 2016.
Depi le 15 avril, kandida Repibliken an nan tribinal nan Manhatann prèske chak jou e konsa li koute deba yo an silans, sa ki anpeche l fè kanpay jan li ta vle pou prepare eleksyon li.