Yon nouvo sondaj jwenn majorite Ameriken di yo ta santi yo pi byen si yo teka dòmi plis. Sepandan, Ozetazini kote majorite sitwayen yo ap redi chak jou pou jere tet yo nan travay, dòmi 8 hè d tan sanble yon rèv ki difisil pou atenn.
Sondaj Gallup fè a jwenn gen 57% Ameriken ki dakò si yo te ka dòmi plis sa tap ede yo. Gen 42% ki di yo dòmi ase.
Se premye fwa Gallup jwenn rezilta konsa depi ane 2001.
Jen fanm ki gen mwenske 50 an te reprezante gwoup moun ki plis kwe yo pa dòmi ase.
Sondaj la pa di poukisa Ameriken pa dòmi ase.
Men sa sondaj la jwenn: 26% dòmi 8 hè ou plis, ki se kantite tan ekspè yo rekòmande pou sante ak byenèt mantal. 53% di yo dòmi ant 6 ak 7 hè. Epi 20% di yo dòmi 5 hè ou mwens, ki se yon ogmantasyon 14% konparativman ak moun ki te reponn yon sondaj konsa an 2013.