Yon moun New Jersey brave ensètitid kote pèsonn pa te ka pran mayol jackpot Mega Milyon an e li pran 1 milya-120.000 dola, apre pèsonn pa te reyisi leve gwo lo a depi mwa Desanm ane pase.
Chif ki soti-yo se 7, 11, 22, 29, 38 epi 4. Moun ki genyen an te achte tikè a nan New Jersey, dapre sit entènèt Mega Millions lan.
Jiska tiraj yè swa a, pyès moun pa te ka genyen tou le 6 chif yo e pran mayol la depi 8 Desanm.
Li difisil pou moun genyen nan Mega Millions paske konbinezon chif yo konplike. Yon moun ki jwe 6 chif Mega Millions yo gen sèlman yon chans sou 302.6 milyon chans pou li genyen.
Se premye fwa lotri te ofri yon gwo pri konsa nan istwa Etazini.