Yon moun ki achte yon biye lotri Powerball nan sid Kalifoni ranpòte yon gwo lo ki bat tout rekò yo - swa $2,04 milya.
Chif ki soti nan tiraj la, ki fet nan vil Tallahassee, Florid sete: 10,33,41,47 ak 56. Powerball wouj la sete 10.
Yo vann biye gwo lo a nan Joe's Service Center ki sitye nan Altadena, o nòdes Lòs Angeles. Biznis sa a pral resevwa yon bonis maksimòm de $1 milyon.
Asosyasyon Lotri milti-eta a deklare Lendi swa li te ranvwaye tiraj la pou preske 10 ze'd tan jiska Madi, akoz kek pwoblem ki te genyen ak lavant biye lotri yo.
Gwo lo a se pi gwo kantite lajan yon moun janm genyen nan lotri Ozetazini.
Anvan sa, pi gwo pri a sete $1,586 milya dola, ke 3 moun te genyen ansanm an 2016.
