Yon avoka kap defann vèf Prezidan Ayisyen Jovenel Moise la, ke lajistis Ayisyen enkilpe an koneksyon ak asasina a, di li kwè akizasyon yap lanse kont Madan Moise ap fèt pou rezon politik.
Avoka a ki gen gen baz li Ozetazini di li te sezi lè laprès te pibliye detay rapo a semèn sa a kote li wè yo enkilpe Martine Moise ansanm ak plizyè douzèn lot sispèk - pami ansyen premye minis ak chèf polis nasyonal la.
Avoka a kestyone tou si wi ou non rapo jij la otantik.
Mèt Paul Turner di Associated Press responsab gouvènman Ayisyen an pat kontakte kliyan li jan la jistis mande pou fè l e ke limenm ak lot avoka yo ap eseye pran kontak ak yo pou jwenn plis presizyon.
Turner di AP li pa kwè tout moun ki enplike nan asasina Moise la nan mwad Jiyè 2021 jwenn arestasyon yo e ke Martine Moise, ki te blese nan atak la ak pitit li yo toujou krenn pou yon moun pa chache touye yo.
Misye ajoute "li kategorikman demanti li mele ditou (nan asasina a)."
Turner akize administrasyon Premye Minis Ariel Henry dèske se limenm ki mande pou yo enkilpe Madan Moise.