Otorite an Ayiti fè konnen yap mennen ankèt sou akizasyon abi seksyèl ak abi pouvwa ak pwopriyete piblik nan yon inivèsite lega nan vil Jacmel.
Yon komisyon al vizite Inivèsite Sid-Es la pou mennen ankèt sou akizasyon otorite yo di yo te resevwa nan mwad Septanm ane pase a.
Ministè Edikasyon Nasyonal ak Fomasyon Vokasyonèl deklare Mèkredi li mete responsab inivèsite a an sispansyon pwovizwaman akoz akizasyon sa yo.
Okenn lot detay pa disponib.
Inivèsite a pa reponn demann Associated Press fè pou komantè.
Inivèsite Sid-Es la te louvi pot li nan mwad Oktob 2011 ak 3 fakilte: syans edikasyonèl, jestyon ak agronomi. Li desèvi plis pase 1,100 etidyan e gen 80 anplwaye kap travay nan lekol la dapre enfomasyon ki sou sit wèb li.