Nasyonzini mande 4.2 milya dola pou finanse èd imanitè pou ane 2024 pou Ikrèn, pou ede popilasyon Ikrenyen an ak refijye ki te kouri kite kay yo akoz envazyon Larisi a, e li mande kominote entènasyonal la pou pa bliye konfli Ikrèn nan menm si lòt kriz tankou Gaza ak Soudan ap atire atansyon ki te sou konfli Ikrèn nan.
Kòdonatè zafè imanitè Nasyonzini an, Martin Griffiths, ki lanse apèl imanitè a nan Jenèv an Swis devan medya yo, deklare "Èske n sonje Ikrèn? (...) Sa gen yon ane, nou ta pale de Ikrèn sèlman, e kounye a depi plizyè semenn, se pafwa nou tande pale de li."
"Nou espere ke gouvènman yo ap kontinye fè jenewosite" menm si "konpetisyon pou finansman ap ogmante," se pawòl Griffiths.
Nan 4,2 milya dola a, nou konte 3.1 milya pou ane a, ki pi piti pase 3,9 milyon dola ke nou te mande ane pase,
menm si se sèlman 67 pousan ladann ke nou te jwenn, epi nou ajoute 1.1 milya dola èd pou refijye Ikrenyen ak kominote ki akeyi yo – ki bay yon afè 2.3 milyon moun.
Gen 6.3 milyon moun ki kouri kite Ikrèn pou al pran refij sitou nan tout Ewòp la.