Johnson eksprime gwo dout li genyen sou si wi ou non li ta apiye yon konpwomi ke Repibliken ak Demokrat jwenn ansanm. Li sigjere tou ke li pral pwofite dat limit pou finansman bidjè gouvènman an pou l jwenn rezilta lap chache a.
Vizit depite yo nan Eagle Pass, Texas Mèkredi, vini nan moman yap mande pou Etazini mete an aplikasyon politik imigrasyon liy-di an echanj pou apui yo pou finansman Prezidan Joe Biden ap mande pou Ikrèn.
Negosyatè nan Sena a nan Washington ap travay sou yon plan ni Demokrat, ni Repibliken apiye.
Johson di li kenbe la fèm ak egzijans ki nan pwojè lwa Repibliken Lachanm yo te adopte nan mwad Me ane pase a, san okenn depite Demokrat te vote an favè l.
Biden menase pou l poze veto - sètadi bloke - lwa sa a, si yo adope l.
