Pantagon nan pibliye kèk nouvo detay sou opitalizasyon Sekretè Defans Etazini, Lloyd Austin. Misye kouche lopital depi yon semèn deja.
Dapre Pantagon nan Austin te sibi yon "pwosedu medikal" 22 Desanm e li t al lakay li yon jou apre, men premye Janvye li te santi yon gwo doulè ki te lakoz yo te entène li nan seksyon swen entansif lopital la.
Dènye enfomasyon sa yo tonbe nan moman Repibliken ak Demokrat nan Kongrè a eksprime mekontantman yo ak kè sote yo poutèt Pantagon nan kache detay sou opitalizasyon Austin nan, epitou le fèt ke prezidan ak lòt lidè wo plase Ameriken yo pat konn anyen sou sa ditou pandan plizyè jou.
Sekretè Defans adjwen Kathleen Hicks ak lòt lidè wo plase gouvènman Biden nan pat resevwa okenn enfòmasyon jiska 4 Janvye, dèske Austin te kouche lopital depi 1 Janvye.