Lapolis anonse yon fiziyad nan yon lise nan vil Perry, eta Iowa.
Yon moun ki reponn telefòn nan Depatman Polis Perry a konfime pou Associated Press (AP) ke vrèman vre, te gen yon fiziyad nan lise Perry High School Jedi maten, men li pa bay okenn lòt enfòmasyon sou sitiyasyon an.
Lekòl la fè pati kominote Perry a ki gen ladan li yon total 1,785 elèv.
Jedi se premye jou kote elèv yo retounen nan sal klass apre fèt nwèl la.
Perry sitiye ak yon distans 64 kilomèt ak Des Moines, ki se kapital eta a.
Fiziyad la dewoule nan moman moun nan eta Iowa ap fè preparasyon pou kokis pati politik yo.
Se la tou ke kandida Repibliken yo ap mennen kanpay.