Prezidan Harvard, Claudine Gay, te fè fas ak presyon bò kote kominote Juif inivèsite a ak kèk manm Kongrè a pou l demisyonen apre temwayaj li 5 Desanm devan yon komisyon Lachanm. Lap fè fas tou ak plizyè akizasyon plajya ki lye ak travay akademik li.
Demisyon Gay soulve reyaksyon bò kote patizan li ak kritik li tou.
Pat Gold pa dakò ak desizyon an.
"M kwè moun te mal konprann sa li tap di e yo rele chal bari dèyè l poutèt sa - m pa kwè se yon bon bagay ni pou edikasyon ni pou demokrasi."
Yoel Zimmerman limenm kwè se yon bon bagay.
"Mpa kwe sete yon kestyon libète lapawòl. Donk mwen te sezi tande li demisyonen. Men m kontan."
Nan lèt li voye bay komite ki dirije Harvard, Gay di li pa gen bouch pou eplike kijan desizyon demisyonen an te difisil.