Prezidan Ikrenyen an Volodymyr Zelenskyy di lidè Kongrè Etazini yo ke peyi li ap kapab ranpote lagè kont Larisi a gras ak asistans finansye Ameriken.
Sepandan Zelenskyy rive nan Kongrè a madi nan yon epok kote anbyans la pi sonb pase jan l te ye nan sezon ivè a ane pase lè yo te akeyi l tankou ewo.
Apre vizit li nan Capitol Hill, prezidan Ikrenyen an t al nan Lamezonblanch. Prezidan Joe Biden mande Kongrè a apwouve yon lot $110 milya asistans pou Ikrèn, Izrayèl ak pou finanse lot bezwen ki tonbe nan kad sekirite nasyonal Etazini. Kongrè a sanble li pa two chofe pou l apwouve demann sa a.
Repibliken yo ensiste pou pwojè asistans la enkli chanjman nan mezi sekirite yo sou fwontyè Meksik la.
Lidè majorite Sena a, Chuck Schumer, dekri rankont la kom "puisan" men li pa souliyen yon nouvo chimen pou apwouve demann asistans la.