Libète la pawol ak pwoteksyon etidyan yo kont anti-semitism se tèm ki te diskite pandan yon odisyon nan Lachanm Depite yo Madi nan Washington. Sandra Lemaire gen detay.
Komisyon Chanm Depite Etazini kap travay sou Edikasyon ak Fos Travay la envite lidè inivèsite Harvard, Massachusetts Institute of Technology (MIT) epi Inivèsite eta Pènsilvani pou yo vinn diskite sou repons yo fas ak manifestasyon ki dewoule apre atak 7 Oktob Hamas te lanse kont Izrayèl la.
Your browser doesn’t support HTML5
Yon Komisyon Lachanm Depite Etazini Fè Odisyon sou Libète Lapawòl, Anti-Semitism nan Inivèsite Ameriken yo
Claudine Gay, se yon Ayisyèn Amerikèn ki Prezidan Inivèsite Harvard.
"Echanj lib ide se fondasyon Harvard. Epi sekirite ak byenèt etidyan yo se yon egzijans pou angajman nan kominote nou an. San tou le 2 bagay sa yo, anseyman nou ak misyon rechèch nou an echwe."
Atak Hamas lanse kont Izrayèl la deklache zak vyolans Izrayelyen-Palestinyen kote plis moun mouri depi plizyè dizèn lane.
Lagè a lakoz dè milye moun mouri epi 3 ka popilasyon Gaza a - apepre 2,3 milyon abitan - oblije kouri kite kay yo pou chache sekirite.
Li deklanche tou manifestasyon kont lagè a Ozetazini ak nan peyi etranje.
Sou kanpis inivèsite toupatou Ozetazini, etidyan ki patizan Izrayèl ak Palestinyen yo fè fas ak jouman ak atak ki opoze egzistans yo depi envazyon Hamas la ak seri atak Izrayèl te lanse kont Hamas kom revanch nan no Gaza.
Etidyan yo viv atak sa yo sou kanpis yo. Moun mete mesaj anonim pou joure yo, yo mete grafiti sou dòtwa yo ak bilding lekòl la.
Doktè Pamela Nadell se yon pwofese Istwa ak Etid Juif nan American University.
"Tandiske mwen deplore tout pawòl rayisman konstitisyon etazini pwoteje pawòl ki tonbe nan kategori anti-semitism. Libete la pawòl se yon poto mitan ar liberal yo, edikasyon - yon edikasyon ki te benefisye preske tout manm Kongre a le yo te etidyan."
Inivesite yo ap kouri vit eseye restora yon sans sekirite pou etidyan Juif ak Arab yo epi souliyen mesaj enkluzyon pou etidyan dives nasyonalite.
Men travay pou determine ki kalite pawol politik ki pwoteje, pa fasil ditou.
Doktè Sally Kornbluth se Prezidan MIT.
"Antanke Prezidan MIT, met sou responsabilite m pou sekirize kanpis la epi mentni fonksyonman byen nasyonal sa a, fòk mwen an menm tan, asire ke nou pwoteje libete la pawol, opiyon diferan ak divesite pou tout moun. "
Kornbluth di sa fe pati prensip libète ekspresyon enstiti a e ke li konn difisil epi tre enkonfotab pou leve defi sa yo men li esansyel pou fason yap opere Ozetazini.
Apre odisyon an, prezidan inivesite yo te fe fas ak anpil kritik bò kote moun ki di yo pa bay ase presizyon pou esplike kijan yap konbat anti semitism ak pawol rayisman kont Arab yo sou kanpus yo.