Konpayi ki konn achte piblisite sou rezo sosyal X la eksprime kè sote pa rapo ak posibilite pou anons piblisite yo parèt bo kote kontni pwo-Nazi, pawol rayisman oubyen bo kote tweet pwopriyetè rezo a Elon Musk kote misye apiye teyori konplo anti-semitik
IBM di li sispann fè piblisite sou X apre yon rapo li resevwa montre ke anons piblisite li yo te parèt bo kote kontni ki chante lwanj Nazi yo.
Apple, Oracle, rezo televizyon Bravo ki lye ak NBC Universal ak Comcast fè mèman parèyman.
Inyon Ewopeyen an anonse Vandredi tou, ke lap fè yon poz nan piblisite li sou X ak lot rezo sosyal an pati akoz ogmantasyon nan pawol rayisman sou rezo sa yo.
Musk te soulve anpil kolè semèn sa a akoz tweet li pibliye kote li tap reponn yon itilizatè ki akize Juif yo dèske yo rayi blan yo.