COLUMBIA, S.C. (AP) — Nan mesaj ki te pase sou chèn television Fox News Kandida Repibliken pou prezidan Tim Scott di piblik la ke li ap mete fen nan kous li pou li ta reprezante pati repibliken an an 2024.
Desisyon Scott la choke anpil moun pami yo donatè li yo ak anplwaye ki travay pou kanpay li yo.
Senatè Kawolin di Sid la fè anons la nan emisyon "Sunday Night in America" sou Fox News ke Trey Gowdy anime.
Scott di, "Mwen panse ke elektè yo ki se moun ki pi remakab sou planèt la di m byen klè ke moman an pa bon pou mwen Kounyea."
Desizyon an vini pandan chif sondaj yo pa te bon pou Scott nan yon kous kote se ansyen Prezidan Donald Trump ki ap mennen sou tout kandida yo.
Scott, se sèl Repibliken Nwa nan Sena a. Li te antre nan kous la ak plis lajan kach pase tout lòt kandida Repibliken men li pa te kapab jwenn yon mwayen pou li moute nan sondaj.