Sekretè Deta Ameriken Antony Blinken vwayaje Japon kote li rankontre tokay Janponèz li a, Minis Afè Etranje Yoko Kamikawa Madi, sou maj rankont o somè G-7 la kap dewoule nan vil Tokyo.
Minis afè etranjè Japonèz la prezante kondoleyans li pou viktim atak Hamas lanse kont sid Izrayèl 7 Oktòb la.
" Premyèman mwen ta renmen pwofite opòtinite sa apou eksprime kondoleyans sesèmen pou viktim yo, pami yo sitwayen Ameriken ki mouri nan dènye atak teworis Hamas ak lòt militan Palestinyen yo lanse epi eksprime senpati mwen pou fanmi viktim yo. Nou espere tou ke otaj yo va libere pi vit posib, e ladann gen sitwayen Ameriken."
Blinken remèsye Kamikawa e li pale sou ajènda rankont G-7 la.
"Ajènda Japon tabli pou rankont G-7 la gen ladann sipo pou Ikrèn, travay nap fè ansanm pou konbat kowèsyon ekonomik, angajman nou ak sipò pou peyi toupatou nan mond lan kap fè fas ak kestyon enpòtan tankou chanjman klimatik, pwoblèm sante global epi ensekirite alimantè. Byen antandu nap travay ansanm nan kad kowoperasyon tri-lateral ak Repiblik Kore a. Tout sa yo esansyèl."
Blinken rankontre tou Premye Minis Japonè a, Fumio Kishida.
Panvan vizit li nan Tokyo, sekretè deta a ak minis afè etranje Angletè, Kanada, La Frans, Almay, Japon ak Itali pral travay ansanm sou pwen komen nan apwòch yo vizavi lagè Izrayèl Hamas la, ki menase pou l destabilite sekirite a ki deja frajil nan Mwayèn Oryan an epitou mentni konsansus ki egziste nan pozisyon yo sou lòt kestyon.
Anvan vizit li nan Japon, Blinken te fè yon vire won rapid ki te dire 4 jou nan Mwayèn Oryan an, kote li te vizite Izrayèl, Jòdani, Sisjòdani, La Chipr, Irak ak La Tiki.
Li fè konnen li pral ranseye kolèg li yo nan G-7 la sou estati jefò li yo epi mande konsèy yo nan moman yap chache pouse pou pi devan.