Prezidan Joe Biden pral siyen yon lòd egzekitif ki pral sèvi kòm gid pou devlopman entelijans atifisyèl Ozetazini.
Lòd sa a ke lap siyen Lendi, mande endustri a devlope standar sekirite epi entwodui nouvo pwoteksyon pou konsomatè yo e bay ajans federal yo yon lis byen detaye sou kisa yo dwe fè pou jere teknoloji sa a kap pwogrese rapidman.
AI se yon sous kuryozite pou Biden, akoz enpak li ka genyen sou ekonomi a ak sekirite nasyonal.
Biden pase lòd bay anplwaye Lamezonblanch yo pou yo pase a l aksyon rapidman pou devlope yon politik ki ka maksimize potansyèl AI an menm tan yo jere danje li poze yo.
Lod Egzekutif Prezidan Demokrat la pral siyen an pral mande tout gwo konpayi teknoloji kap devlope entelijans atifisyèl pou yo pataje rezilta esè sekirite yo ak lòt enfòmasyon ak gouvènman an.