Donald Trump deklare nan yon mesaj li pibliye sou rezo sosyal yo ke li prale ann apèl pou konteste lòd yon jij enpoze kont li pou l pa pale sou dosye koken elektoral 2020 an nan Washington.
Jij Tanya Chutkan pase lòd Lendi pou anpeche kandida a la prezidans Repibliken an fe okenn deklarasyon ki vize pwokirè yo, potansyèl temwen epi anplwaye jij la yo.
Jij la di ex-prezidan an pakapab "lage vèni" sou do pwokirè yo.
Lòd ki pibliye Lendi a make yon pwen enpòtan nan ka federal ki akize Trump dèske li te konplote ilegalman pou ranvèse rezilta eleksyon 2020 an, kote li te pèdi vas ak Demokrat Joe Biden.
Mèt espesyal Jack Smith ak ekip li a te soulve kè sote yo te genyen poutèt pakèt deklrasyon Trump tap plede fè kote li kritike pwokirè yo, jij la ak temwen potansyèl yo.