Ekip kanpay Donald Trump la mande Komite Nasyonal Repibliken an pou anile tout deba ki rete nan kad eleksyon primè Repibliken pou prezidansyèl la.
Nan yon deklarasyon ke yo pibliye Lendi swa, konseye Trump yo di ke RNC ta dwe konsantre fòs li pito pou bat Joe Biden nan ane ki ap vini an.
Deklarasyon an repete tou manti ke Trump te simaye pou di te gen fwod nan eleksyon an, e kote li di san bay prèv ke Demokrat yo ap travay pou vòlè eleksyon 2024 la.
Trump toujou kenbe pawòl san prèv ke yo te vòlè eleksyon 2020 an, malgre plizyè pwosè legal, envestigasyon, ak pwòp avoka jeneral li, pat jwenn okenn fwod.
RNC pa t reponn imedyatman demann pou li fè kòmantè sou kesyon an.
Ekip kanpay rival li Ron DeSantis di Trump ta dwe prezante nan deba yo e ke Etazini "bezwen yon prezidan ki pral goumen pou yo nenpòt kote, nan nenpòt ki fowòm."