WASHINGTON (AP) — Prezidan Joe Biden di èd Ameriken pou Ikrèn ap kontinye koynyea pandan l ap chache rebay alye yo asirans ke sipò finansye Etazini ap kontinye pou ede Ikrèn nan lagè a.
Biden t ap pale nan Mezon Blanch nan Dimanch kote li di pa gen anpil tan ki rete, e li avèti Kongrè a pou l aji rapid, "Nou pa ka nan okenn sikonstans pèmèt èd Ameriken pou Ikrèn sispann."
Li te pale konsa apre Kongrè a te vote byen ta samdi pou evite fèmti gouvènman an lè li te pase yon plan finansman pou yon ti bout tan, kote depite ak senate yo te retire asistans pou Ikrèn nan.
Mezi a se yon mezi tanporè ki ap dire jiska mitan mwa novanm. Biden te mande Kongrè a pou negosye yon plan èd pi vit posib.