Lidè Lachanm Depite Etazini, Kevin McCarthy anonse li mande yon komite Lachanm pou l louvri yon ankèt pou wè si yo ta dwe mete an akizasyon Prezidan Joe Biden.
Washington —
Lidè Repibliken an ap fè fas ak anpil presyon bò kote depite dwatis yo pou l pase a l aksyon, nan moman Lachanm reprann travay Madi pou travay sou yon ajènda pou sezon otòn nan ki ka sispann plizyè pwogram.
McCarthy gen entansyon konvoke palmantè yo dèyè pòt femen plizyè fwa semèn sa a pou diskite sou miz an akizasyon Biden nan.
McCarthy ap redi tou pou l adopte yon pwojè lwa ki nesesè pou evite fèmti gouvènman federal la.
Se yon dilèm ki familye pou depite eta Kalifòni an, kap eseye jere a la fwa ankèt miz an akizasyon an epi menas fèmti gouvènman federal la san li pa gen yon plan klè pou rezoud 2 gwo pwoblèm sa yo.
Lamezonblanch pa bay mouvman pou mete prezidan Biden an akizasyon twòp enpòtans paske li di se pou rezon politik ke yap fè sa.