Kontrebandye yo sanzatann ap mennen migran kap chache antre Etazini nan youn nan pati dezè Arizona ki pi danjre yo epi fose yo mache pandan plizyè kilomèt nan gwo chalè.
Nan yon mwa sèlman Sektè Gad Fwontyè a nan Tucson, Arizona te tounen pos fwontyè ki gen plis aktivite pou premye fwa depi 2008.
Operasyon sekou pou migran yo ogmante anpil tou. Gad Fwontyè a di yo sove yon tinedjè Guatemala ki gen 15 zan nan yon elikoprè, apre li te vinn bloke sou yon morn byen lwen nan Arizona.
Gwoup imanitè yo ap transpote dlo nan yon ti vil nan sid eta a ki rele Ajo, kote kontrebandye yo lage migran ki soti nan peyi byen lwen tankou End, Lachin, Senegal ak Moritani.