Gouvènman Panameyen an di li pral lanse yon nouvo kanpay pou ralanti kantite migran kap pase nan Pas Darien nan, yon rak bwa ki danjre.
Panama di gen 300,000 migran ki deja travèse Darien nan ane sa a.
An konparezon, gen 250,000 migran ki te travèse l nan ane 2022.
Otorite yo di yo pral anonse ofisyèlman plan an ke yo rele "Darien se yon rak bwa pa yon wout" semèn pwochèn.
Sepandan responsab yo pat kache fristrasyon yo ak peyi vwazen Kolonbi, ki pa anpeche migran yo travèse fwontyè Panama pataje ak li.
Responsab yo di pakèt migran kap pase antre lakay yo koze polisyon epi andomaje rak bwa Darien nan, epitou ekspoze moun ak risk epi abi dwa moun.
