Etazini

Lapolis Kansas Kopye an Sekrè 17 Gig Enfòmasyon nan Sistèm Odinatè Jounal Marion County Record

Imaj kamera sekirite ke Eric Meyer pataje ak AP montre manman li Joan Meyer kap pase lod bay lapolis pou yo kite kay li apre yo finn fouye l 11 Out, 2023 nan Marion, Kansas.

Pandan lese-frape lapolis, mwa sa a, nan jounal Marion County Record nan Kansas, fòs lòd yo kopye an sekrè sa ki te nan yon òdinatè pou pi piti ke yo te sezi e ke yo pa remèt lè yo resevwa lòd pou fè sa, dapre avoka jounal la.

Ajans polis kopye ilegalman 17 gig enfòmasyon nan sistèm òdinatè jounal la, dapre Bernie Rhodes ki se avoka jounal la.

Se 11 Daout pase lapolis lokal – ak nan tèt li Chef polis Gideon Cody – te antre nan biwo jounal la ak nan kay youn nan pwopriyetè yo, sezi òdinatè, telefonn selilè, disk dur ak lòt ekipman, ke yo te kenbe nan biwo sherif la.

Apre sa, lapolis te di li te fè sa apre yon mèt restoran te konplenn ke yon repòtè te vòlè idantite moun pou chache enfòmasyon sou sit entènèt Depatman Revni Kansas la.

Apre òganizasyon nouvèl ak gwoup ki ap defann libète laprès toupatou nan mond la te kondane desant dè lye a, avoka awondisman an te deklare pa gen ase prèv pou jistifye li, e yon jij te pase lòd pou retounen ekipman yo. Lapolis remèt yo, eksepte yon òdinatè. Marion County pako reponn imèl LaVwadlamerik pou pale sou kesyon an.