Tanpèt Twopikal Franklin ap travèse lanmè Karayib la nan moman otorite yo an Ayiti ak Repiblik Dominikèn lanse avètisman bay sitwayen yo pou yo fè preparasyon pou inodasyon ak lavalas.
Move tan an te sitye lendi ak yon distans 390 kilomèt o sid Repiblik Dominikèn. Li pote avè l van kap soufle ak yon vitès 85 kilomèt alè. Li tap deplase nan direksyon wès la ak yon vitès 9 kilomèt alè. Meteyo predi li pral vire nan direksyon nò a.
Franklin ta sipoze pran fòs anvan li rive wou Medi sou zile Hispaniola a ke Ayiti ak Repiblik Dominikèn pataje.
Gwo lapli move tan an ta sipoze lage sou Ayiti bay gwo kè sote sitou akoz ewozyon sevè ki genyen nan peyi a, ki lakoz inodasyon ki ka touye moun.