Gwoup pirat la, ke Microsoft rele Storm-0558 (oubyen Tanpèt 0558) fòje pas ki fè kont imèl yo kite yo antre nan Sèvis Outloot konpayi yo, se sa Microsoft di nan yon deklarasyon ki sou sit entenèt li. Aktivite sa a tanmen nan mwa Me pase.
“Tankou sa fèt nan tout aktivite ke yon nasyon lanse e ke nou detekte, Microsoft kontakte tout òganizasyon ke pirat yo te vize oubyen ke yo te resi pèse, Microsoft kontakte dirèkteman administratè sistèm yo e ba yo enfòmasyon enpòtan pou ede yo mennen ankèt epi reponn,” se sa deklarasyon an di.
Microsoft pa di ki òganizasyon – oswa gouvènman – ke aktivite piratri sa a afekte.
Anbasad chinwa nan Lond pa reponn touswit yon imèl ki mande yo pale sou kesyon an. Peken toujou di li pa angaje nan kanpay piratri ke gouvènman an ta apiye.