LONDON (AP) — Meta pare pou lanse yon nouvo app ki sanble tèt koupe ak Twitter, sa ki mete yon defi dirèk pou platfòm medya sosyal milyadè Elon Musk la.
App la ki rele Threads parèt sou lis app ki nan Apple Store, ki endike ke li ta disponib Jedi ki ap vini la.
Li parèt kòm yon "app konvèsasyon ki baze sou tèks" ki gen koneksyon ak Instagram.
Afich la montre ke moun ap kapab fè blog ladan tankou yo ka fè sou Twitter.
Moun ki sèvi ak Instagram kapab kenbe non itilizatè yo epi swiv menm kont yo sou nouvo app la.
App Threads ka pote yon lòt tèt-fè-mal pou Musk, ki deja fè fas ak anpil kritik poutèt limit ke li mete sou kantite tweet ke moun ka li pou yon jounen sou Twitter.