Solidarite ak pèp Ayisyen an, apèl ak kominote entènasyonal pou deplwaman imedya yon fos robis pou ede PNH la (Polis Nasyonal Ayiti), epi rankontre aktè Ayisyen yo pou ankouraje yo fè yon depasman nan lide yo pou twouve yon laj konsansis kap kapab kondui ak yon retou a lod konstitisyonèl se kèk pami objektif Sekretè Jeneral Nasyonzini an, Antonio Guterres, pandan vizit li an Ayiti Samdi 1 Jiyè a.
Sekrete Jeneral Nasyonzini Antonio Guterres asiste yon konferans pou lapres nan salon diplomatik ayeropo entenasyonal Toussaint Louverture la nan Potoprens, 1 Jiye, 2023.
Korespondan nou nan Potoprens, Yves Manuel te kouvri yon konferans pou laprès Guterres te bay nan salon diplomatik ayewopo entènasyonal Toussaint Louverture la nan Potoprens, anvan li te pran avyon pou tounen Nouyok.