Konpayi ki tap jere vwayaj ti soumaren Titan an di pilot la ak 4 pasaje yo pwobableman mouri.
OceanGate Expeditions deklare Jedi, "malerezman nou pedi" pilòt ak chef egzekitif Stockton Rush, ansanm ak pasaje Shahzada Dawood ak pitit gason li Suleman Dawood, epi Hamish Harding ak Paul-Henri Nargeolet.
OceanGate pa bay okenn lòt detay nan deklarasyon pet lavi a, ni kijan responsab yo konnen ekipaj la peri. Pwovizyon oksijen Titan an, ki te sipoze dire 96 he d tan, te sipoze ekspire bone Jedi.
OceanGate ap bay kont randi sityasyon debri bato Titanic la ak eko-sistem ki ozalantou li nan fon lanme a depi 2021, atrave vwayaj li fe nan zòn nan chak ane.
Gad Kòt Etazini te di pi bone jodia ke yo jwenn kek mòsso soumaren Titan an ki endike yon eksplozyon andedan aparey la. Gad Kòt la di yo te dekouvri debri sa yo nan zon kote yon wobo tap chache anba lanme a.