Premye Minis Ayisyen Ariel Henry, ki nan vil Paris jodia, kote lap asiste yon rankont o some, fe konnen li te gen yon rankont "fructueuse et très prometteuse" ak Prezidan Kenya William S. Ruto.
Dapre sa Henry di sou Twitter, yo te diskite sou posibilite "akonpayman" fos sekirite Ayisyen yo nan dives domen. Li pa bay okenn lot detay.
Premye minis Ayisyen an te vwayaje an Frans sou envitasyon Prezidan Emmanuel Macron. Li vwayaje ansanm ak Minis Ekonomi ak Finans Ayiti, Michel Patrick Boivert ak kek lot responsab gouvenman an.
Rankont o some Paris a santre sou yon nouvo pak finansye mondyal, e li gen patisipasyon plizye chef gouvenman, manm sekte prive a ak sosyete sivil la.
Pandan vwayaj li an Frans, se Minis Sante Piblik ak Popilasyon an, Dokte Alex Larsen, kap asire enterima a, dapre Primature la.
Korespondan VOA Kreyol nan Potoprens, Renan Toussaint, kontribye a repotaj sa a