Yon avyon siveyans militè Kanadyen detekte bwi nan fon lanmè nan kad yon operasyon masiv nan yon zòn elwaye nan Nò Oseyan Atlantik la kote yap chache yon ti soumaren ki gen 5 moun abò li ki disparèt. Soumaren Titan tap eseye rive nan zòn kote bato Titanic la koule pou fè rechèch.
Yon deklarasyon Gad Kòt Etazini pibliye bonè Mèkredi maten pa bay detay sou sa sekouris yo kwè ki ap fè bwi sa yo. Sepandan, sa bay yon ti espwa dèske yap kapab jwen ti soumaren an ki pèdi.
Otorite yo di Titan gen apepre yon jounen oksijèn sèlman, si lap fonksyone toujou.
Gad Kòt di gen 3 bato ki rive sou sèn nan Mèkredi maten, pami yo bato John Cabot, ki gen kapasite pou l skane ak teknoloji sonè. Bato sa a ap patisipe nan operasyon sekou a ansanm ak 2 lòt bato.