JEREMIE, Ayiti (AP) — Direktè egzekitif 2 ajans Nasyonzini avèti ke kriz imanitè Ayiti a rive nan nivo ke peyi a pa te janm konnen anvan, kote nivo grangou ak zak vyolans gang yo gaye san kontwòl.
Cindy McCain ki se direktè egzekitif Pwogram Alimantè Mondyal, di ke pousantaj ayisyen nan popilasyon an ki bezwen èd prese-prese pou ensekirite alimantè, se dezyèm pi wo nan mond lan.
Ayiti gen apeprè 11 milyon moun, prèske 5 milyon nan yo ap lite pou yo jwenn manje pou manje chak jou.
McCain fè wè tou ke plis pase 115,000 timoun ki poko gen 5 an ka rive soufri ak malnitrisyon ane sa a, ki se yon ogmantasyon 30% konpare ak chif ane pase.