Gouvènman Ameriken an fè konnen li dispoze $53,7 milyon asistans siplemantè pou Ayiti ke li va distribye pa l entèmedyè USAID - Ajans Ameriken pou Devlopmen Entènasyonal la - pou ede peyi a fè fas ak kriz imanitè a.
Dapre yon not pou laprès, nouvo asistans sa a pral apiye Ayisyen ki pi vilnerab yo e ki bezwen sipo dijans. Se konsa moun sa yo pral resevwa asistans alimantè esansyèl ak lot asistans imanitè.
Gen 4,9 milyon Ayisyen kap fè fas ak ensekirite alimantè.
Met sou sa, dapre not pou laprès la, asistans la pral ede viktim vyolans seksyèl yo epi bay popilasyon an aksè ak dlo potab ak swen sante.
USAID gen entansyon dispoze yon lot $10,5 milyon asistand devlopman pou "amelyore reziyans ak pwoduktivite" sektè agrikol Ayiti a ak elvè bèt yo.