3 nan yo te jwenn arestasyon yo nan Valencia an koneksyon ak ensidan ki te rive nan match Real Madrid fas ak FC Valencia dimanch 21 Me 2023 a.
E lòt yo te jwenn arestasyon yo nan kapital la Madrid anba akizasyon ke yo te pandye yon foto rasis jwè vedèt brezilyen an arebò yon pon nan mwa janvye 2023.
Madi 23 Me 2023, anviwon 100 moun te rasanble devan konsila Panyòl la nan Metwopòl Sao Paulo, Brezil, e yo tap chante "Liga se rasis" ak "Ann fini ak rasis nan peyi Espay ak Brezil" pandan apeprè inèdtan. Yo pote fize, bandwòl ak etikèt ki di "Vini pitit gasonm, mwen avèk ou".
Rasanbleman sa te fèt pou pote soutyen yo bay atakan vedèt ekip real Madrid la ki te sibi atak rasis sa yo nan match Real kont Valancia a, e Vinicius pat fin jwe match la akòz abit la te ba l yon katon rouj.
André Alexandre, Prezidan Mouvman Nwa a, Unegro, di:
"Nou vle di Vini Jr, li pa poukont li. Nou nan Brezil, men pral gen moun Espay lakay nou, pa gen plas pou rasis, pap gen plas pou moun sa yo.
Antrenè ekip Real Madrid la reyaji pou di:
Kocin Real Madrid, Carlo Ancelotti
"Lè li te resevwa katon wouj la, tout estad la t ap rele 'makak, makak, makak'. Pa gen anpil pou di. Mwen tris. Abit la sispann jwèt la pou louvri pwotokòl rasis yo. Si yon estad voye chante estipid, lè sa a ou pa bezwen louvri pwotokòl rasis yo. Pale ak abit la paske li sispann jwèt la poutèt sa (chante rasis kont Vinicius)."
Prezidan brezilyen Luiz Inacio Da Silva te pote soliderate ak jwè brezilyen an pandan vizit li nan Hiroshima 22 me 2023 a:
"Mwen panse li enpòtan pou FIFA, lig Panyòl la ak lig lòt peyi yo pran mezi pi djanm posib, paske nou paka kite fachis ak rasis fè pati lavi nan yon estad foutbòl."
Real Madrid's President Florentino Perez gives a speech during the official presentation of Belgium forward Eden Hazard at the Santiago Bernabeu stadium in Madrid, Spain, Thursday, June 13, 2019. Real Madrid announced last week that it had acquired…
Nan yon seremoni pou selebre chanpyona baskètbòl klib EuroLeague la, Florentino Perez, ki se prezidan lig la, eksprime kòlè li pou move zak rasis ki pa akseptab ki te vize Vinicius Jr nan yon match Liga Panyòl la dimanch 21 Me a.
Li di : « Espò fèt pou rankont, nan valè ak viv ansanm, nan respè ak solidarite. Se poutèt sa mwen vle trè klè e anonse ke Real Madrid pap tolere ankò ensidan rasis ak jouman kont jwè nou yo. Pou sa, li esansyèl pou nou chanje radikalman estrikti abitraj foutbòl. »
Depi kòmansman sezon lig Panyòl la nan mwa Septanm nan, Vinicius tap sibi abi rasyal bò kote fanatik omwen 5 ekip rival.
Men Responsab La Liga yo di men yo mare fas ak sitiyasyon sila.
Yo fè konnen lalwa ann Espay anpeche yo takle pwoblèm nan.
Pou kounya Federasyon foutbòl Panyòl la (RFEF) retire katon wouj la paske dapre li, abit la te pran yon move desizyon e pati sid teren Valance lan pral fèmen pou 5 match, epi klèb la pral peye yon amand 45 000 ewo ki egal 49,536 dola ameriken (Yon dola = 0.9084 ewo)
Jeanty Augustin Junior te kontribye nan repòtaj sa pou VOA Kreyòl.