Ekip foutbòl Chelsea a afiche yon pèt total ki prèske rive nan $ 149 milyon dola pou ane 2021-2022 a akòz "depans ekstraòdinè ak lajan ke yo pa rantre" apre sanksyon ki te sou ansyen pwopriyetè li Roman Abramovich, se sa klèb chanpyona foutbòl Angle di Lendi (27 mas) la.
Klèb foutbòl la Chelsea di pèt sa yo se domaj ki fèt akoz konfli a nan Ikrèn.
Bilyonè Ris la te mete klèb la pou vann nan mwa mas ane pase a apre konfli Ikrèn nan te kòmanse.
Pandan pwosesis pou jwenn yon moun ki achte klèb la, Chelsea pa te gen dwa vann tikè, sa lakoz tout revni yo diminye.
Sa tou te frape lòt sous revni, tankou lavant machandiz ak rezèvasyon plas pou moun asiste evènman yo.
Chelsea pa t kapab siyen kontra ak okenn jwè oswa patnè komèsyal.
Bizisman ameriken Todd Boehly ak konpayi Clearlake Capital te achte klèb la.
Yo te envesti plis pase $ 645 milyon dola nan siyen kontra ak nouvo jwè depi yo te pran tèt klèb la .
Chelsea rive nan kar de final Lig chanpyon an ane sa a, men li dizyèm kounya nan Lig la.