Macron te sèvi ayè jedi a ak pouvwa ke konstitisyon an ba li pou li pase pwojè-lwa ki ogmante laj pansyon an, soti nan 62 pou mete li nan 64 lane san yon vòt nan palman an.
Sena a pase pwojè-lwa a jedi, men politisyen zèl-dwat yo nan Asanble Nasyonal la kont mezi a, sa ki vle di pwojè a pa te gen ase vwa anfavè li.
2 tyè Franse kont pase-men an nan sistèm pansyon an, dapre kèk sondaj.
Gen grèv nan tout peyi a depi mwa Janvye pou pwoteste kont refòm nan, sa ki afekte tren, lekòl, sèvis piblik ak pò yo. Dè milye moun manifeste devan palman an jedi.
« M santi ke y ap jwe m antan ke sitwayen, » se pawòl Laure Cartelier, yon pwofesè lekòl ki gen 55 lane.
Sendika yo lanse mo dòd pou yon lòt jounen grèv nan tout peyi a jedi lòt semèn.
Yon grèv travayè vwari yo ki kont refòm pansyon an, lakoz pakèt pil fatra moute nan lari vil Pari, sa ki atire rat e ki degoutan pou touris yo.