Majorite Demokrat yo kwè yon manda ase pou Prezidan Joe Biden malgre misye ensiste li gen entansyon poze kandidati li a la prezidans anko an 2024.
Se sa yon nouvo sondaj ke Associated Press ak Sant NORC pou Rechèch sou Zafè Piblik jwenn.
Gen sèlman 37% Demokrat ki di yo ta renmen wè Biden poze kandidati li pou yon dezyèm manda. Anvan eleksyon mi-manda yo ane pase a gen 52% Demokrat ki te di yo ta renmen wè misye poze kandidati li pou prezidans la ankò.
Pandan ke Biden chante lwanj viktwa lejislatif li ranpòte yo ak kapasite li pou'l dirije peyi a, sondaj la montre pa gen anpil adilt Ameriken ki ba li bon kanè nan domèn sa yo non plis.