WASHINGTON (AP) — Lachin ap ensiste pou di ke balon espyon sispèk ke Etazini elimine nan espas aeryen li se te yon balon sivil e li antre Ozetazini pa aksidan, e li menase plis aksyon an repons ak desant balon an ke Etazini te fè.
Prezidan Joe Biden te bay lòd Samdi pou elimine e detwi balon apre li te travèse sit militè ki sansib pou sekirite nasyonal peyi a.
Otorite Pentagòn yo di yon avyon de gè F-22 te tire yon misil sou balon an, e li te pèse l e balon an te desann nan lanmè toupre Myrtle Beach, nan Kawolin disid.
Lamarin te menen yon operasyon nan mitan lanmè pou rekipere rès balon an.