Otorite nan Ikrèn rapòte nouvo frap misil jedi plizyè kote nan peyi a, ki vize antwòt enstalasyon gaz.
Frap yo ki fèt ak drone e ak misil kontinye vize ensfrastrikti enèji, dapre sa lame Ikrènn nan di, e li ajoute ke atak yo kouvri depi Kyèv pou rive nan Odesa nan sid-la.
Yon lòt kote, gen grèv an Frans ak ann Espay kote moun ap mande touche plis lajan ak meyè kondisyon travay, pandan pèp la fache nan peyi Beljik ak Grès poutèt pri enèji yo ki moute disèt wotè, sa ki fè anpil moun okipe beton an pou yo eksprime kolè yo.
Plis moun ap fache pandan lagè Ikrèn nan lakoz gen mank enèji ann Ewòp, mank travay ak lajan. Kèk analis di sa pa wete anyen nan sipò Ewòp pou Ikrèn ni nan kolè pèp ann Ewòp kont LaRisi, menm si sa ka chanje.