Ansyen Prezidan Etazini Barack Obama pwal mennen kanpay pou kandida Demokrat nan eta Joji, Michigan ak Wisconsin, mwa sa a, anvan eleksyon mitan manda yo 8 Novanm k ap vini an, ki pwal detèmine ki pati k ap kontwole Kongrè Etazini an.
Obama pwal pouse kandida nan nivo federal ak nivo eta yo, lè li pale nan vil Atlanta, 28 Oktob k ap vini an anvan li vwayaje nan vil Detroit ak Milwaukee 29 Oktob, dapre sa biwo li di Samdi a.
Repibliken yo sanble ka pran kontwol Chanm Reprezantan Etazini an e petèt Sena Etazini an. Plizyè Repibliken ki vle chanje jan moun lage bilten ak jan responsab yo konte yo, yo kandida tou pou poss administrate biwo eleksyon nan eta pa yo.