Nan yon lèt ki al jwenn lidè Kore di Nò Kim Jong Un anvan yon kongrè istorik Pati Kominis Chinwa a ki sou pouvwa a, Prezidan Chinwa Xi Jinping deklare li enpòtan plis ke janmè pou Peken ak Pyongyang amelyore kominikasyon, inite ak koperasyon antre yo, se sa media leta Kore di Nò rapòte dimanch.
Lèt la se kòm repons pou konpliman ke Kim te voye bay kongrè a, ki te gen pou li koumanse travay dimanch.
Xi te eksprime volonte pou ranfòse relasyon ant LaChin ak Kore di Nò, e « bay bon jan kontribisyon pou fè 2 peyi nou yo ak 2 pèp nou yo pi kontan e pou defann lapè ak stabilite nan rejyon an ak nan rès mond la, » se sa ajans nouvèl Nò-koreyen KCNA di.
Sipò sa a vini apre Kore di Nò fin teste yon kantite rekò misil balistik pou premye fwa depi 2017.
Lè yo te poze Xi kesyon sou dènye aksyon Kore di Nò ak reyaksyon Sid-la, pòtpawòl ministè afè etranjè chinwa Mao Ning mande tout pati yo pou yo travay pou dyalog ka rekoumanse.