Sekretè Jeneral Nasyonzini lanse apèl pou yon "aksyon ame" entènasyonal pou relouvri yon pò an Ayiti ki fèmen akoz konfli.
Antonio Guterres di la près: "Nou bezwen yon aksyon ame pou louvri pò a epi pèmèt nou tabli yon koridò imanitè. M ap pale de yon bagay pou apiye lapolis Ayisyen, e m ap pale de yon bagay ki baze sou kritè strik imanitè, ki endepandan de dimansyon politik pwoblèm nan ke Ayisyen yomenm dwe rezoud."
Apèl sa a Gutteres lanse a vini kèk jou apre Etazini ak Kanada de voye machin blende ak lòt ekipman an Ayiti pou ede polis nasyonal la konbat yon gang pwisan, epi ann atandan LONU vote sou yon deman gouvènman Ayisyen an fè pou deplwaye san pèdi tan yon fòs etranje nan peyi a.
Depatman d Eta Ameriken di se gouvènman Ayisyen an ki peye pou ekipman sa a, men li pa bay okenn lòt detay sou sou ekipman ki rive Pòtoprens abò avyon militè Etazini Samdi.
Yon pòt pawòl Kòmandman Sid Etazini di li pak abay okenn lòt detay sou ekipman yo voye a, men li presize sete yon operasyon konjwen ant Aviyasyon Etazini ak Fòs Ayeryèn Wayal Kanadyèn nan.
Depatman d Eta a di: "Ekipman sa a pral ede PNH la konbat aktè kriminèl kap komèt zak vyolans epi bloke asistans imanitè a epi anpeche nou pouse pou pi devan ak jefò pou rete pwopagasyon kolera. "
Oganizasyon Lasante Panameriken an PAHO di gen plis pase 560 ka kolera ann Ayiti, gen 300 moun ki ospitalize e gen omwens 35 moun ki mouri. Ekspè yo lanse avètisman pou di vre bilan an pwobableman pi wo.
Ekipman pou polis la rive an Ayiti plis pase yon mwa apre gang pi pwisan peyi a te bloke tèminal petwòl Varreux a epi mande demisyon Premye Minis Ariel Henry. Manifestan bloke wout yo nan prensipal vil peyi a tou pou pwotest kont pri gaz la ki monte 19 wotè apre Henry te anonse nan kòmansman mwad Septanm nan ke administrasyon li an tapral sispann sibvansyone pri gaz la.
Depi lè a, stasyon gaz yo fèmen, lopital yo redwi sèvis yo epi bank yo ak sipèmache yo ap opere pandan orè limite. Pandanstan, gen yon gwo rate gaz ak dlo epi disponibilite pwodwi premye nesesite yo diminye anpil.