Nan Washington, 2 palmantè Ameriken deklare Jedi, Etazini dwe pran sanksyon kont chèf gang ki chaje ak zam ak moun kap finanse gang sa yo, nan moman Ayiti ap fè fas ak yo peyi lòk gang yo koze epi rate gaz.
Pandan yon Rankont Komite Lachanm dè Reprezantan jodia, Depite Gregory Meeks ak Michael McCaul, deklare Etazini dwe pase a l'aksyon kont gang ki kontwole gwo pòsyon teritwa Ayisyen an.
Meeks, yon Demokrat ki se direktè komite a deklare:
"Se yon bagay nou pral oblije komanse gade - sanksyon kont chèf gang yo, ak sa yo kap finanse gang sa yo epi sa yo kap voye zam ba yo."
Gang yo bloke soti prensipal tèminal petwol Varreux a pou repon anons Premye Minis Ariel Henry te fè pou di li pral ogmante pri gaz la. Sa te lakoz yon rate gazolin ak gaz dizèl.
Aktivite yo ralanti seryezman tou, kote sèvis de baz yo, pami yo sèvis opitalye yo prèske paka fonksyone akoz mank gaz pou pèmèt dèlko yo fonksyone.
Foto Achiv: Depite Michael McCaul (Repibliken) pale pandan yon rankont Komite Lachanm kap travay sou Zafe Etranje.
Repibliken pi wo plase komite a, McCaul deklare: "MWen trè an favè lide pou pini - nou rele yo oligak men yo se chèf gang ame a vrè di - kap kontwole gang yo epi prive tout sans gouvènans an Ayiti."
Depite yo pa nomen manm gang yo ni moun kap finanse yo, ni esplike kijan egzakteman sanksyon sa yo ta aplike. Li pa klè konbyen chèf gang ki sèvi ak sistèm finansye ofisyèl la pou fè tranzaksyon oubyen pou sere lajan yo.
Dabitid se branch egzekitif la pa Kongrè a ki pran desizyon sou sanksyon.
Konsèy Sekirite Nasyonzini diskite yon rezolisyon pou pran sanksyon kont gang Ayisyen yo Lendi.
Rankont komite Lachanm nan fini ak temwayaj manm sosyete sivil Ayisyèn nan ki te dekri konsekans zak vyolans gang yo, koripsyon ak lamizè genyen sou popilasyon an.
Militan Verlina Charlier deklare: " Map mande sipo pou enpoze sanksyon sou endividi wo pwofil ki mele nan zak koripsyon, epi ki apiye ak fasilite zak vyolans gang yo an Ayiti."
Charlier ajoute: " Lè mwen di endividi wo pwofil, map fè referans klè a politisyon yo... ak olgak yo, sektè komèsyal la."