Kondanasyon sa yo rive 4 ane apre eksplozyon 2 dron ki te fèt nan dat 4 out toupre platfòm kote prezidan Maduro tap prezide yon parad militè nan Karakas.
Otorite Venezyelyen yo nan epòk la te akize prezidan Kolonbyen an, Juan Manuel Santos, ki te planifye tantativ asasina a ak sipò kèk sitwayen Venezyelen, Etazini ak Perou.
Nan plizyè okazyon, Misye Maduro te di ke li te viktim konplo ki gen objetif elimine li ki te òganize pa peyi vwazen li Kolonbi mele avek tout opozisyon venezyelyen an.
Gonzalo Himiob, avoka nan ONG la Foro Penal, ki ap defann prizonye politik yo, te di AFP ke "Kondanasyon sa yo gen entansyon sipòte fo naratif gouvènman an nan yon swadizan tantativ asasina".
Juan Requesens, ki gen 33 an jodi a, te jwenn arestasyon l 3 jou apre apre atak, lajitis te pouswiv li pou tantativ omisid, teworis ak trayizon. Kèk jou apre nan yon video li admèt fè sa yo, li te deklare ke li te gen kontak ak youn nan swadizan otè yo. Pati Opozisyon politik la te rele anmwey paske yo di yo kwè ke yo te menase oswa dwòge lè li tap di pawòl sa yo nan videyo a.