Gouvènè eta Kalifòni deklare yon eta dijans pou akselere efò pou konbat epidemi varyòl senj la. Li fè Kalifòni 2èm eta ameriken nan 3 jou ki pran mezi sa a.
Gouvènè Gavin Newsom di deklarasyon li a ayè lendi a pwal ede Kalifòni òganize yon repons nan tout gouvènman eta a, chache plis vaksen e dirije efò pou touche popilasyon an e fè l konnen ki kote li ka jwenn tretman ak vaksen. Li di eta a pwal kontinye travay ak gouvènman federal la pou l jwenn plis vaksen, motive moun pou yo redui risk, e kanpe bò kote kominote LGBTQ a k ap batay kont etikèt ki sou do li.
Aksyon sa a vini apre yon deklarasyon menm jan an nan eta New York samdi semèn pase, ak nan San Francisco jedi pase.