Premye Dam Ikren, Olena Zelenska lanse yon apel fas-a-fas bay palmante Ameriken yo Mekredi pou plis sistem defans ayeryen pou pwoteje espas ayeryen peyi li nan yon diskou nan Capitol la.
" Nou pa vle okenn atak ayeryen. Nou pa vle atak ak misil. Eske se twop pou'n mande? Se sa map mande nou ak sa mari'm ap mande nou fe," li deklare.Madan Zelenska pwononse diskou li devan palmante Repibliken ak Demokrat pou mete fen nan vizit lap fe nan Washington. Li te montre foto karnaj ki fet nan peyi li. Palmante yo te souke tet yo apre sa.
Pandan sejou li nan Washington Madan Zelenska te rankontre premye dam Jill Biden, Prezidan Joe Biden, ak responsab wo plase administrasyon an. Se youn nan evenman pi wo pwofil li fe depi Prezidan Ris la, Vladimir Putin anvayi Ikren nan mwad Fevriye a. Depi le a li te izole tet li ak 2 timoun ni yo pou pwoteje sekirite yo.
Mari li rete nan kapital la, Kyev. Li pwononse 2 diskou pwisan devan palmante Ameriken yo pi bone mwa sa a, kote yo te leve kanpe pou bat bravo pou li.
Zelenska remesye palmante yo plizye fwa ak Biden pou plizye milya dola zam ak lot sipo Etazini voye bay Ikren pou ede li fe fas ak twoup Ris yo. Li mande plis sistem defans anti-ayeryen pou ede repousa atak ak misil ak atak ayeryen La Risi pa sispann mennen kont peyi li, e ki lakoz anpil sivil mouri epi kek vil kraze net.
Li te montre foto yon tifi 4 an ki rele Lisa ke li di li te rankontre anvan fet nwel la. Pwochen foto a montre yon woulet pou yon ti bebe benyen ak san apre yon atak ki touye tifi a ak manman ni semen pase a.
Zelenska montre e rakonte istwa lot timoun Ikrenyen ki swa mouri swa pedi bra ak pye oswa mouri fiziye pandan yo tap chape poul yo ak fanmi yo.
Diskou a sete yon chanman dramatik ak debi vizit li kote li te resevwa yon bouke fle ke Prezidan Joe Biden te remet ba li le'l te rive nan la Mezonblanch.
Kek enfomasyon pou repotaj sa a soti nan Associated Press